مركز خدمة سيارات

هذا هو مشروعي " مركز خدمة سيارات "

قررت ان افتح مركز خدمة سيارات  مش بالمعني  الضخم اللى في  بالنا لكن تعتبر ورشة خدماتها كالآتي:

1.    تغيير  الزيت

2.    تغيير الاطارات " الكاوتش "

3.    تشحيم سيارات

4.    نفخ الاطارات بالهواء

5.    كشف اعطال السيارات

مركز خدمة سيارات

ودا  كله حيكون الكتروني  فوراً  واحد حيسألني  ويقولي طيب المعدات منين  حنشتريها من الصين واللى  من اى  دولة  اوروبية  حاقوله  لا  من  دي  ولا  من  دي  حنشتريها من مصر  ام الدنيا فيها شركات هناك  هي  وكلاء للمصانع العالمية المتخصصة في المعدات دي

طيب  والاسعار والتكلفة :-

تكلفة المشروع كله تقريبا 21500 جنية تقريباً  يعني 3200 دولار تقريباً

ايجار المحل فى المحافظات الغير رئيسية يتراوح ما بين 200 جنية و500 جنية 

اجرة العامل اللى يساعدك في الشغل 20 جنية في اليوم

الدخل المتوقع من المشروع

انا سألت ناس بتشتغل في  ورشة بتغير زيت سيارات وكاوتش وتشحيم فقط والله بالنص قالوا لي ان اقل  يوم بيشتغلوا فيه بيكون دخلهم ما بين 80 جنية  إلى 120 جنية ويوم ما يكون في ضغط شغل ما بين 150 جنية إلي 200 جنية ويوم الخميس  والجمعة بيوصل لغاية 300 جنية مع العلم ان الورشة دي  في  قرية مش  في  مدينة حنقول  طيب  تخيل  لو  هي  في مدينة اضرب الدخل اليومي  في 4 على الأقل بمتوسط 120 ×4= 480 جنية

طيب لو في محافظة رئيسية او في  مكان  حيوي في وسط عاصمة المحافظة معناها  كدا بأذن الله تعالي الدخل اضربه في 6 او 7 يعني  ان شاء  رب العالمين الموضوع مجدي ومفيد .

منين بنجيب التمويل  عشان نبدأ المشروع واحنا مفلسين :-

ابشرك خير انا اتصلت على البنك الأهلي المصري على الرقم التالي من مصر 19623 ومن خارج مصر 0020219623 وطلبت منهم تفاصيل قرض مشروعات صغير وسالتهم اية المطلوب

المستندات المطلوبة :-

1.    عقد ايجار المحل او عقد الملكية للمحل المقترح اقامة المشروع عليه

2.    بطاقة الرقم القومي الخاص بك

3.    سجل ضريبي او بطاقة ضريبية من اقرب مكتب ضرائب تقدر تطلعها  بس دا  بعد ما  تستأجر المحل

سؤال لولبي حيضمنوا منين انك حتسدد او بمعني اية الضمانات اقولك يا سيدي البنك عايز حد يضمنك يوقع معك كضامن ممكن والدك او والدتك او اختك او اخوك او زوجتك او اي  حد فقط لا غير الكلام دا ثقة انا كلمتهم من الامارات تقريباً ربع ساعه وانا بسألهم عن كل  شيء

للعلم اقل قيمة للقرض للمشروعات المبتدئة 50000 جنية نعم خمسون الف جنية تعرف انك بكدا تقدر تعمل ورشتين مش  ورشة واحدة يعني  ورشة تسدد القرض والايجارات للمحلات وورشة اعتبرها دخل صافى لك  وأول قسط بعد سنة

لكن للأمانة انا لسه ما عرفت نسبة الفائدة كام وهل فيها  ربا  او لأ موظف البنك قالي انها طبقاً للشريعة الاسلامية اذا حلال يبقى توكلنا على الله لو ناوي اطلع لأقرب فرع بنك " البنك الأهلي المصري " واتأكد من كلامي صح واللي لا.

باقي حاجة مهمة هل عرفت منين حتشتري المعدات اقدر اقولك موجود معي عرض سعر من الشركات اللى بتبيع المعدات دي ومستعد ابعته لك على ايميلك ومعي ارقامهم في مصر

دا ايميلى لو عايز تراسلني عليه عشان ابعت لك عرض السعر عليه

mohammedakl@hotmail.com

mohammedakl2007@gmail.com

او تقدر تزورني على صفحتي على الفيس بوك

www.facebook.com/roaroa2012

www.facebook.com/friendsakl

طيب اية الباقي ان تتوكل على الله وتبدأ ومش تنسي  تعمل مشاركة للموضع على صفحتك تدعمنا بإعجاب

فكرة حلوة جدا اتمني  التوفيق لكم ولنا  لذلك أحببت أن اذكركم بقول الله تعالى " وأن ليس للإنسان إلا ما سعى وأنَّ سَعْيَهُ سَوْفَ يُرَى ثُمَّ يُجْزَاهُ الْجَزَاءَ الأَوْفَى"

تحية لكم محمد عقل